Germaniya terma jamoasi darvozaboni Manuel Noyer Millatlar Ligasi doirasida Shveysariya terma jamoasiga qarshi 4-turda qayd etilgan durang haqida fikr bildirdi.

"Agar uchrashuv 3:3 hisobida yakuniga yetsa, u holda ikki jamoaning darvozabonlari o‘yinni yaxshi o‘tkazdi deb bo‘lmaydi. Avvaliga hammasi biz uchun ahamiyatsiz boshlandi, ammo, yakunda biz o‘yin tashabbusini o‘z qo‘limizga oldik. Bugun qandaydir yaxshi narsa bor edi. Biz Ukrainani mag‘lub etgandik, ular esa bugun Ispaniyadan ustun kelishdi. Aytmoqchimanki, haliyam guruhda birinchi o‘rin uchun kurash olib boishga imkoniyatimiz bor", - Noyerning so‘zlaridan iqtibos keltirmoqda UYEFA rasmiy sayti.