Германия терма жамоаси дарвозабони Мануэль Нойер Миллатлар Лигаси доирасида Швейцария терма жамоасига қарши 4-турда қайд этилган дуранг ҳақида фикр билдирди.
"Агар учрашув 3:3 ҳисобида якунига етса, у ҳолда икки жамоанинг дарвозабонлари ўйинни яхши ўтказди деб бўлмайди. Аввалига ҳаммаси биз учун аҳамиятсиз бошланди, аммо, якунда биз ўйин ташаббусини ўз қўлимизга олдик. Бугун қандайдир яхши нарса бор эди. Биз Украинани мағлуб этгандик, улар эса бугун Испаниядан устун келишди. Айтмоқчиманки, ҳалиям гуруҳда биринчи ўрин учун кураш олиб боишга имкониятимиз бор", - Нойернинг сўзларидан иқтибос келтирмоқда УЕФА расмий сайти.
