Fransiya chempionatining 7-turi doirasida "PSJ" safarda "Nim" klubi mehmoni bo‘lib, yirik hisobda g‘alaba qozondi.

Bahsning 12-daqiqasida mezbonlar himoyachisi Landr maydon markazida nisbatan tik oyoq bilan raqib futbolchisining tizzasiga tepgani uchun maydondan chetlatildi.

80 daqiqa davomida bir kishi ko‘p bo‘lib o‘ynagan parijliklar o‘yin oxiriga qadar 4ta gol urishdi. Birinchi bo‘limda Mbappe hisobni ochgan bo‘lsa, ikkinchi taymda Kilian yana bitta gol muallifiga aylandi. Shuningdek, ikkinchi bo‘limda Florensi va Sarabiya bittadan urib, hisobni yirik ko‘rinishga keltirishdi.

Ushbu g‘alabadan keyin "PSJ" o‘z ochkolarini 15taga yetkazib, jadvalda 1-o‘ringa ko‘tarilib oldi.

Fransiya chempionati, 7-tur
Nim – PSJ 0:4 (0:1, 0:3)
Gollar: 0:1 – 32 Mbappe, 0:2 – 77 Florensi, 0:3 – 83 Mbappe, 0:4 – 88 Sarabiya.
Nim – Rene, Byurne, Landr, Migel, Paki, Kubas (Martines, 54), Do, Fomba (Alinvi, 85), Eliasson (Majuga, 85), Ripar (Kone, 84), Ru (Aribi, 67).
PSJ – Navas, Florensi (Ruis-Atil, 84), Kimpembe, Bakker, Diallo, Paredes (Errera, 11), Rafinya (Dagba, 58), Guye, Sarabiya, Kin, Mbappe (Xese, 84).
Ogohlantirishlar: Do (6), Rafinya (18), Guye (20).
Chetlatish: Landr (12).