Qozonning "Rubin" klubi RPLning 11-tur doirasida "Krasnodar" (1:3) klubiga qarshi o‘yinni boshqarib borgan hakamdan norozi bo‘lib, shikoyat xati yozdi.
"BIZNES Online" portalining ma’lumotiga ko‘ra, qozonliklar uchrashuv bosh hakami Mixail Vilkov VAR qoidalarini buzgan deb aytishmoqda.
Gap uchrashuvning 43-daqiqasi haqida ketmoqda. "Rubin" himoyachisi Ilya Samoshnikov o‘z jarima maydonchasi ichida to‘pni qo‘li bilan o‘ynadi, biroq, Vilkov to‘p o‘yinga kiritilganidan keyin o‘sha vaziyatni qayta ko‘ra boshladi. VAR qoidalariga ko‘ra, to‘p o‘yinga kiritilganidan so‘ng, VAR orqali sodir bo‘lgan voqeani ko‘rish mumkin emas.
Eslatib o‘tamiz, o‘sha vaziyat yakuniga ko‘ra, "Rubin" darvozasi tomon penalti belgilandi. Shu sababli, vakolatli organlar protokol buzilganini aniqlasa, u holda uchrashuv qayta o‘tkaziladi.
