Xabar berganimizdek, bugun poytaxtimizdagi “Yoshlik” sport majmuasida O‘zbekiston velosiped sporti federasiyasi hamda “Asaka bank” ATB hamkorligida “Pandemiyani sport bilan yengamiz” shiori ostida velospoyga tashkil etildi.
Unda «Asaka bank»ning markaziy apparati va viloyatlardagi filiallarida faoliyat olib boradigan 130 nafarga yaqin xodim o‘z imkoniyatlarini sinovdan o‘tkazishdi. Ta’kidlash joiz, mazkur musobaqa yurtimizda ommaviy sport va sog‘lom turmush tarzini, xususan, yurtboshimiz ilgari surgan Jismoniy tarbiya va sportni yanada targ‘ib qilish maqsadida tashkil qilingan.
Musobaqa g‘olib va sovrindorlari:
1. Nozima Iskandarova (Farg‘ona filiali)
2. Feruza Abdurahimova (Andijon)
3. Dilzoda Mamajonova (Qo‘qon)
Musobaqa yakunida g‘olib va sovrindorlar tashkilotchilarning esdalik sovg‘alari bilan taqdirlanishdi.
