«Real» bosh murabbiyi Zayniddin Zidan Chempionlar ligasi guruh bosqichining 1-turi doirasida bo‘ladigan o‘yin oldidan o‘z fikrlari bilan o‘rtoqlashdi.

«Futbol o‘zgarmoqda. Bu haqiqat. U yanada intensiv o‘yinga aylandi. Yuqori intensivlik bilan o‘ynash uchun ko‘p shug‘ullanish kerak. Biz buni qilishga harakat qilamiz.

Menga pressing yoqadi. Biz raqibga bosim o‘tkazishga, shuningdek, u bizga bosim o‘tkazishi qiyin bo‘lishi uchun harakat qilamiz. Buning uchun esa jismoniy tomondan yaxshi tayyorgarlikka ega bo‘lish kerak.

Nima istayotganimizni yaxshi bilamiz. Yaxshi tayyorgarlik ko‘rishimiz kerak, lekin ko‘p jamoalar Chempionlar ligasida g‘olib chiqishni istashadi. Biz ham buni amalga oshirishga harakat qilamiz.

Albatta, biz qiyinchiliklarga duch kelamiz. Ammo turnirda g‘olib chiqish uchun qiyinchiliklarni yengib o‘tishga to‘g‘ri keladi. Biz Chempionlar ligasidan ko‘p narsa kutyapmiz», – dedi Zidan.

«Real Madrid» – «Shaxtyor» uchrashuvi 21 oktyabr kuni Toshkent vaqti bilan 21:55da boshlanadi.