Ushbu ruknimizdagi eng so‘nggi yangiliklar bilan tanishtirishda davom etamiz.
Eriksen Bundesligada?!
Milanning «Inter» klubi yarim himoyachisi Kristian Eriksen faoliyatini «Borussiya Dortmund» jamoasida davom ettirishi mumkin.
"Calciomercato" nashrining ma’lum qilishicha, 28 yoshli futbolchi yozdayoq klubini o‘zgartirmoqchi edi, biroq rahbariyat uning qolishini istadi. Endi esa, Kontening o‘zi ham Erkisenni qo‘yib yuborishga tayyor ekanligini yashirib o‘tirmayapti.
Manbaning ma’lum qilishicha, qishki transfer oynasida Kristian uchun asosiy da’vogar Dortmundning «Borussiya» jamoasi bo‘ladi.
Lautaro uchun kurash avjida
Milanning «Inter» klubi hujumchisi Lautaro Martines uchun da’vogarlar soni keskin ortib bormoqda.
"Don Balon« nashrining ma’lum qilishicha, argentinalik hujumchi uchun kurashga yozda »Manchester Yunayted" ham faol kirishadi.
Manbaning ma’lum qilishicha, ayni damda moliyaviy jihatdan Lautaroni qo‘lga kiritish imkoniyati «Barselona»dan ko‘ra, «Manchester Yunayted»da yaxshiroq.
Simeone o‘glini jamoasiga olib kelmoqchi
Madridning "Atletiko" kluibi murabbiy Diyego Simeone jamoaga o‘gli Jovanni Simiyeneni taklif qilmoqchi.
Italiya nashrlarining ma’lum qilishicha, murabbiy 25 yoshli o‘g‘li tez orada Luis Suaresning o‘rnini egallashini taxmin qilmoqda.
Eslatib o‘tamiz, ayni damda Jovanni «Kalyari» sharafini himoya qilmoqda, biroq uning transfer huquqi «Fiorentina»ga tegishli.
«Inter» «Milan» futbolchisini ilib ketmoqchi
Milanning «Inter» jamoasi azaliy raqibi «Milan» yarim himoyachisi Hakan Chalxanog‘lu bilan shartnoma imzolashi mumkin.
"Calciomercato« nashrining ma’lum qilishicha, »neradzurrilar« turk futbolchisini erkin agent sifatida qo‘lga kiritmoqchi. 2021 yilda erkin agentga aylanuvchi futbolchi »Inter«ga o‘tishi uchun »Milan" bilan shartnomani uzaytirmasligi lozim.
Manbaning ma’lum qilishicha, ayni damda transfer borasida futbolchining agenti va «Inter» o‘rtasida muzokaralar olib bormoqda.
«Manchester Yunayted» Jonsni olib qoladimi?!
Angliyaning «Manchester Yunayted» jamoasi Fil Jons borasida bir qarorga keldi.
"The Sun" nashrining ma’lum qilishicha, klub o‘z futbolchisini transferga qo‘yishga qaror qildi. Unga ko‘ra, klub o‘z himoyachisini 20 million yevroga baholamoqda.
Manbaning ma’lum qilishicha, 28 yoshli himoyachi bilan «Fulhem» jiddiy qiziqib qolgan. Futbolchining o‘zi ham zaxira o‘rindig‘ida o‘tirishni istamayapti. Shu bois, klubi almashtirishga qaror qilgan.
