Ushbu ruknimizdagi tarixiy suratlar bilan tanishtirishda davom etamiz. Bugun Valeriy Nemopnishiyning Kameruni, afsonaviy Lev Yashin va Angliya terma jamoasining Jahon chempionatidagi o‘yinlarini yodga olamiz.

1990 yil. Jahon chempionati. Chorak final o‘yinida «Paxtakor» jamoasi sobiq bosh murabbiy Valeriy Nepomnishiy boshchiligidagi Kamerunni Angliya terma jamoasi ikkita penalti evaziga musobaqadan chiqarib yubormoqda. Golni ayni damdagi eng taniqli futbol eksperti Garri Liniker kiritmoqda.

Tyaros Dellas 2004 yilda bo‘lib o‘tgan Yevropa chempionatidagi eng kuchli jamoa sanalgan chexlarni musobaqadan chiqarib yuborgan golni kiritmoqda. Yakunda greklar chempionlikni qo‘lga kiritadi, chexlarni esa hamma unutadi.

2006 yil. Germaniya yashil maydonlarida o‘tgan Jahon birinchiligi. Hozir hakam Runiga qo‘pollik uchun qizil kartochka ko‘rsatadi, Ronaldu esa bundan xursand ekanligini yashirib o‘tirmaydi.

«Barselona» murabbiylar shtabida bir nechta kelajak yulduzlari navbat kutishmoqda.

"Vest Bromvich" jamoasi darvozaboni Jon Osbornning ahvoliga havas qilib bo‘lmaydi. Shunday bo‘lsada, klub afsonasi o‘yinni oxirigacha yetkazib qo‘ymoqchi.

Afsonaviy Lev yashin braziliyalik super yulduz Didiga nimalarnidir tushuntirishga urinmoqda.

19 asr so‘nggida dunyodagi eng tezkor futbolchi deb ta’riflangan Karl Paboriski Zidandan ortda qolmoqda. Polyak keyinroq APLda ham o‘zini sinab ko‘radi, ammo bu kutilgan natijani bermaydi.

Ularning qay biri kuchli? Garrincha yoki Pele? Bu savol Braziliyada hali-hamon trendda!

Aleks Fegusson, Jok Steyna va Mark MakGi! Shotlandiya futbolining eng shonli davrlarini yaratganlar uchligi!

Insning zarbasini Argentina darvozaboni - Karlos Roa bartaraf etmoqda. Bu seyv yakunda Argentina uchun keyingi bosqich yo‘llanmasini taqdim etadi.

«Perujji»dagi Gattuzo «Fiorentina»dagi Rui Koshtaga qarshi! Ular ko‘p o‘tmay «Milan» safida birga to‘p surishadi.

Diyego Armando Maradona va Nuberto Solano! Solano uzoq muddat APL klublari sharafini munosib himoya qildi, biroq hech qachon super yulduz yoki afsona darajasiga ko‘tarila olmadi.

2004 yil. Krishtianu Ronaldu Portugaliya terma jamoasidagi ilk gollaridan birini kiritmoqda. Bu paytda, uni 100 lik dovonni oshib o‘tishini tasavvur qilish juda mushkul edi. Shunday bo‘lsada, Krish rekordlarni o‘rnatishdan to‘xtamayapti.

1997 yil. «Borussiya Dortmund» sekin-astalik bilan «Manchester Yunayted»ni Evropa Chempionlar Ligasining yarim finalida to‘xtatib qolmoqda. Ikki uchrashuv ham nemislarning minimal hisobdagi g‘alabasi bilan yakun topadi.