Superliga doirasidagi 21-turda AGMK “Qo‘qon-1912” jamoasi mehmoni bo‘ladi.
Mazkur jamoalar chempionat doirasida jami 13 marotaba to‘qnash kelishgan. O‘zaro uchrashuvlarda ustunlik AGMK tarafida: 8 g‘alaba, 2 durang va 3 mag‘lubiyat. To‘plar nisbati ham jamoamiz foydasiga: 24-16.
“Qo‘qon-1912” ayni paytda 35 ochko bilan turnir jadvalida 4-o‘rinda bormoqda.
Qo‘qonliklar joriy mavsum raqiblar darvozasiga 31ta gol urib, bu borada jamoamiz bilan bilan bir xil ko‘rsatkich qayd etishgan.
Uchrashuvni tajribali referi Viktor Serazitdinov boshqaradi. Mazkur tayinlov Serazitdinov uchun AGMK ishtirokidagi 15-uchrashuvga aylanadi. Serazitdinov boshqargan o‘yinlarda jamoamiz 6 g‘alaba, 2 durang va 6 mag‘lubiyat qayd etgan.
Ushbu jamoalarning birinchi davradagi bahsida jamoamiz Grigalashvili va Tursunovning gollari evaziga (2:1) g‘alaba qozongandi.
Superliga. 21-tur
26 oktyabr, dushanba
«Qo‘qon-1912» — AGMK (15:00)
Hakamlar: Viktor Serazitdinov, Gaynulin, Sapenko, Rahimov
Nazoratchi: Nexochin
Komissar: Bekzod Aripov
