Angliya chempionatining 6-turiga kelib «Everton» mavsumda ilk marta mag‘lubiyatga uchradi. Mersisaydliklar safarda «Sautgempton» mehmoni bo‘lib, 0:2 hisobida imkoniyatni boy berishdi.

Birinchi bo‘limning 27-daqiqasida Uord-Prouz hisobni ochgan bo‘lsa, oradan 8 daqiqa o‘tib Adams "Sautgempton"ning ikkinchi golini raqib darvozasiga kiritdi.

Karlo Anchelotti jamoasi dastlabki 5ta turda 4ta g‘alaba va bitta durang qayd etishgan edi. Jamoa bugungi mag‘lubiyatga qaramay 13 ochko bilan jadvalda peshqadam bo‘lib turibdi.

Angliya chempionati, 6-tur
Sautgempton – Everton 2:0 (2:0, 0:0)
Gollar: 1:0 – 27 Uord-Prouz, 2:0 – 35 Adams.
Sautgempton – Makkarti, Vestergor, Bertran, Bednarek, Uoker-Piters, Armstrong (Diallo, 86), Uord-Prouz, Redmond, Romeu, Adams (Nlundulu, 89), Ingz.
Everton – Pikford, Mina, Kin, Din, Godfri, Dukure (Gordon, 58), Allan, Ivobi (Bernard, 46), Sigurdsson (Delf, 58), Xames, Kelvert-Lyuin.
Ogohlantirishlar: Uoker-Piters (57), Bernard (64), Kelvert-Lyuin (90).
Chetlatish: Din (72).