Angliya chempionatining 6-turi doirasida «Arsenal» o‘z maydonida «Lester»ni qabul qildi.

Butun o‘yin davomida tashabbus "kanonirlar" tomonida bo‘lsa-da, ular raqib darvozasi oldida xavfli vaziyatlarni ko‘p yuzaga keltira olishmadi.

Brendan Rodjers esa ikkinchi bo‘limda maydonga Vardi va Underni tushirib, hujumni kuchaytirish payida bo‘ldi. O‘yin tugashiga 10 daqiqa qolganida ularning sa’y-harakatlari evaziga "tulkilar" g‘alaba to‘pini kiritishga muvaffaq bo‘lishdi. Olis ustun tomon yetkazilgan uzatmani Vardi bosh bilan darvozaga joylab qo‘ydi.

"Arsenal"da esa vaziyatni o‘nglash uchun vaqt ham, kuch ham qolmagandi. Shu tariqa, "Lester" ketma-ket 2ta mag‘lubiyatdan keyin g‘alaba qozongan bo‘lsa, Arteta jamoasi ketma-ket ikkinchi o‘yinda mag‘lub bo‘lmoqda.

Ushbu g‘alabadan keyin "Lester" 12 ochko bilan jadvalda 4-o‘ringa ko‘tarilib olgan bo‘lsa, londonliklar 9 ochko bilan 10-o‘rinda qolishdi.

Angliya chempionati, 6-tur
Arsenal – Lester 0:1 (0:0, 0:1)
Gol: 0:1 – 80 Vardi.
Arsenal – Leno, Belyerin, David Luiz (Mustafi, 49), Gabriel, Tirni (Nketia, 81), Tomas, Jaka, Sebalyos, Saka (Pepe, 65), Obameyang, Lyakazett.
Lester – Shmeyxel, Jastin, Fofana, Evans, Kastan, Prat (Vardi, 60), Mendi, Meddison (Olbrayton, 85), Tilemans, Barns (Under, 75), Fuks.
Ogohlantirishlar: Belyerin (30), Fuks (32), Tilemans (41), Fofana (52), Lyakazett (57), Meddison (67), Evans (74), Jaka (90).