Англия чемпионатининг 6-тури доирасида «Арсенал» ўз майдонида «Лестер»ни қабул қилди.

Бутун ўйин давомида ташаббус "канонирлар" томонида бўлса-да, улар рақиб дарвозаси олдида хавфли вазиятларни кўп юзага келтира олишмади.

Брендан Роджерс эса иккинчи бўлимда майдонга Варди ва Ундерни тушириб, ҳужумни кучайтириш пайида бўлди. Ўйин тугашига 10 дақиқа қолганида уларнинг саъй-ҳаракатлари эвазига "тулкилар" ғалаба тўпини киритишга муваффақ бўлишди. Олис устун томон етказилган узатмани Варди бош билан дарвозага жойлаб қўйди.

"Арсенал"да эса вазиятни ўнглаш учун вақт ҳам, куч ҳам қолмаганди. Шу тариқа, "Лестер" кетма-кет 2та мағлубиятдан кейин ғалаба қозонган бўлса, Артета жамоаси кетма-кет иккинчи ўйинда мағлуб бўлмоқда.

Ушбу ғалабадан кейин "Лестер" 12 очко билан жадвалда 4-ўринга кўтарилиб олган бўлса, лондонликлар 9 очко билан 10-ўринда қолишди.

Англия чемпионати, 6-тур
Арсенал – Лестер 0:1 (0:0, 0:1)
Гол: 0:1 – 80 Варди.
Арсенал – Лено, Бельерин, Давид Луиз (Мустафи, 49), Габриэл, Тирни (Нкетиа, 81), Томас, Жака, Себальос, Сака (Пепе, 65), Обамеянг, Ляказетт.
Лестер – Шмейхель, Жастин, Фофана, Эванс, Кастань, Прат (Варди, 60), Менди, Мэддисон (Олбрайтон, 85), Тилеманс, Барнс (Ундер, 75), Фукс.
Огоҳлантиришлар: Бельерин (30), Фукс (32), Тилеманс (41), Фофана (52), Ляказетт (57), Мэддисон (67), Эванс (74), Жака (90).