Superliga 21-turidan o‘rin olgan "Metallurg" - "Nasaf"(0:2) uchrashuvidan so‘ng mezbonlar bosh murabbiyi Andrey Shipilov fikrlarini bildirib o‘tdi.

"Yaxshi o‘yin bo‘ldi. 75 daqiqa davomida o‘yin nazoratini o‘z qo‘limizda ushlab turdik. Bittagina taktik xato tufayli standartdan gol o‘tkazib yubordik. Raqib yaxshi o‘ynadi, biz ham taktik tomonlama ulardan qolishmadik. Gol o‘tkazib yuborilgunga qadar juda xotirjam edim. O‘sha vaziyatni hali o‘rganamiz, juda qo‘pol xatoga yo‘l qo‘ydik, tajribali futbolchilar bunday xatoga yo‘l qo‘yishga haqqi yo‘q. Nima ham deya olardim, "Nasaf"ni tabriklayman. Yaxshi jamoa va yaxshi o‘yin namoyish etmoqda.

Bugun zaxiradan maydonga tushganlar o‘yinimizni kuchaytira olishmadi. Bobojonovni almashtirganim mening ham xatoim bo‘ldi. U juda ham foydali o‘ynayotgandi. Vaziyatlardan foydalana olmayapmiz. "Buxoro" bilan o‘yinda juda ko‘p vaziyat yaratgandik. Bugun u qadar ko‘p imkoniyat yaratmadik, lekin hech bo‘lmasa durangga loyiq edik. Buning sabablarini o‘rganishimiz kerak. Bo‘lmasa mashg‘ulotlarda vaziyatlarni yakunlash borasida yetarlicha ishlayapmiz. Ehtimol bu jarayonni to‘xtatishimiz kerakdir. Balki kimlardir futbolda barcha narsaga erishib bo‘ldim deb o‘ylayotgandir, bu faqat uning shaxsiy fikri va bu xato. Har kuni mashg‘ulotda isbotlashing kerak. Mashg‘ulotda bor kuching bilan ishlamasang, to‘p ham darvozaga kirmaydi. Demak, mahalliy yoshlardan top hujumchilar izlaymiz. Oldinda yana beshta tur qoldi, futbol o‘ynashni davom etamiz", - deydi Shipilov.