Rossiyaning "Zenit" klubi hujumchisi Serdar Azmun va Malkom YECHLning 2-tur doirasida "Borussiya" klubiga qarshi bo‘ladigan o‘yinda maydonga tushmaydi. Bu haqda jamoa bosh murabbiyi Sergey Semak ma’lum qildi.

"Malkom va Azmun bizga yordam bera olmaydi. Malkom jarohati borasida maslahat olish uchun Germaniyaga uchib ketdi.

Bu jarohat Malkomning avvalgi shikastlanishiga umuman aloqasi yo‘q. Umid qilamizki, u ikki haftadan keyin qaytadi.

Jirkov ham ma’lum muddatni o‘tkazib yubordi. So‘nggi ikki kunda u jamoaning umumiy mashg‘ulotlarida ishtirok etdi. Ko‘ramiz, u qancha vaqt o‘ynay olarkin. Lekin oldimizdagi uchrashuvlarda u to‘liq harakat qila oladi. Asosiysi, jarohatlar unga halaqit qilmayapti va sog‘ligi bo‘yicha barchasi joyida", - dedi Semak Sport24 bilan suhbatda.

"Zenit" hamda "Borussiya" klublari o‘rtasidagi uchrashuv ertga, 28 oktyabr kuni Dortmundda bo‘lib o‘tadi.