Россиянинг "Зенит" клуби ҳужумчиси Сердар Азмун ва Малком ЕЧЛнинг 2-тур доирасида "Боруссия" клубига қарши бўладиган ўйинда майдонга тушмайди. Бу ҳақда жамоа бош мураббийи Сергей Семак маълум қилди.
"Малком ва Азмун бизга ёрдам бера олмайди. Малком жароҳати борасида маслаҳат олиш учун Германияга учиб кетди.
Бу жароҳат Малкомнинг аввалги шикастланишига умуман алоқаси йўқ. Умид қиламизки, у икки ҳафтадан кейин қайтади.
Жирков ҳам маълум муддатни ўтказиб юборди. Сўнгги икки кунда у жамоанинг умумий машғулотларида иштирок этди. Кўрамиз, у қанча вақт ўйнай оларкин. Лекин олдимиздаги учрашувларда у тўлиқ ҳаракат қила олади. Асосийси, жароҳатлар унга ҳалақит қилмаяпти ва соғлиги бўйича барчаси жойида", - деди Семак Sport24 билан суҳбатда.
"Зенит" ҳамда "Боруссия" клублари ўртасидаги учрашув эртга, 28 октябрь куни Дортмундда бўлиб ўтади.
