Hamyurtimiz Jasur Jaloliddinov ijara asosida to‘p surayotgan Rossiyaning "Tambov" klubi prezidenti Arsen Gabuyev egallab turgan lavozimini tark etdi.
«Arsen Taymurazovich Gabuyev o‘z xohishiga ko‘ra egallab turgan lavozimidan ozod qilindi. Kecha biz undan ariza oldik, lekin hozir uning o‘rnini kim egallashi haqida bir to‘xtamga kelmadik.
Klub prezidenti lavozimi - bu shtatdan tashqari lavozim sanaladi, shu sababli, klub prezidenti bizning umumiy yig‘ilishimiz tomonidan saylanadi. Shunday yig‘ilishda ushbu lavozim taqdiri hal qilinadi», – dedi "Tambov" klubi bosh direktori Olga Konovalova.
Gabuyev «Tambov» klubida 2018 yildan beri prezident sifatida ishlab kelayotgandi.
