Ҳамюртимиз Жасур Жалолиддинов ижара асосида тўп сураётган Россиянинг "Тамбов" клуби президенти Арсен Габуев эгаллаб турган лавозимини тарк этди.
«Арсен Таймуразович Габуев ўз хоҳишига кўра эгаллаб турган лавозимидан озод қилинди. Кеча биз ундан ариза олдик, лекин ҳозир унинг ўрнини ким эгаллаши ҳақида бир тўхтамга келмадик.
Клуб президенти лавозими - бу штатдан ташқари лавозим саналади, шу сабабли, клуб президенти бизнинг умумий йиғилишимиз томонидан сайланади. Шундай йиғилишда ушбу лавозим тақдири ҳал қилинади», – деди "Тамбов" клуби бош директори Ольга Коновалова.
Габуев «Тамбов» клубида 2018 йилдан бери президент сифатида ишлаб келаётганди.
