Ispaniya chempionatining 8-turi doirasida "Barselona" mehmonda "Alaves" klubi mehmoni bo‘lib, muhim ochkolardan mahrum bo‘ldi.

Mezbonlar birinchi bo‘limda ishonchli himoyalanishdi. Ansu Fati darvozabon bilan yakkama-yakka vaziyatga chiqqan paytda gol ura olganida, ehtimol, hisob butunlay boshqacha bo‘lishi mumkin edi.

Uchrashuvning 31-daqiqasida Pike va Netoning qo‘pol xatosidan so‘ng "Alaves" hisobni ochishga muvaffaq bo‘ldi. Gol muallifi — Luis Rioxa.

"Barsa" bosh murabbiyi ikkinchi bo‘lim boshida birdaniga 3ta o‘zgarishga qo‘l urdi. Buning natijasida jamoa o‘z o‘yinini kuchaytirdi. Boz ustiga, bahsning 62-daqiqasida mezbonlar yarim himoyachisi Xota Peleteyro ikkinchi sariq kartochkani olib, maydonni tark etdi. Kataloniyalik esa oradan bir daqiqa o‘tib hisobni tenglashtirishdi. To‘p mezbonlar himoyachisining oyog‘ida rekoshet orqali Grizmannga borib tushdi va Antuan to‘pni darvozabonning ustidan oshirib, hisobni tenglashtirdi.

Qolgan daqiqalarda "ko‘k-anorranglilar" g‘alaba qozonish uchun darvoza tomon juda ko‘p zarbalar yo‘llashdi. Ammo "Alaves" posboni Fernando Pacheko qahramonlik ko‘rsatib, barcha zarbalarni qaytardi. U o‘yin davomida 8ta seyv namoyish etdi.

Shu tariqa, «Barselona» La liga doirasida ketma-ket to‘rtinchi o‘yinda g‘alaba qozona olmayapti. Kuman jamoasi 8 ochko bilan jadvalda 12-o‘rinni egallab turibdi.

La liga, 8-tur
Alaves – Barselona 1:1 (1:0, 0:1)
Gollar: 1:0 – 31 Rioxa, 1:1 – 63 Grizmann.
Alaves – Pacheko, Ximo Navarro (Agirregabiria, 41), Laguardia, Duarte, Lejen, Battalya, Mendes (Tomash Tavaresh, 58), Pina (Marin, 72), Xota, Rioxa (Manu Garsiya, 72), Deyverson (Xoselu, 57).
Barselona – Neto, Langle (Pedri, 46), Pike, Alba (Dest, 69), Serdji Roberto, Buskets (Pyanich, 46), de Yong, Dembele (Trinkau, 46), Fati (Breytueyt, 78), Grizmann, Messi.
Ogohlantirishlar: Xota (15), Deyverson (22), Messi (39), Buskets (44), Langle (44), Duarte (87).
Chetlatish: Xota (62).