Yevropa Chempionlar Ligasining ikkinchi turida "Leypsig" darvozasiga gollar yomg‘irini yog‘dirib tashlagan "Manchester Yunayted" bugun APL dagi mavqeini tiklash maqsadida "Arsenal" bilan bahs olib boradi. 7- turning markaziy uchrashuvi deya baholanayotgan o‘yinda "Qizil iblislar" turnir jadvalining 15- pog‘onasini band qilib turgan holda, Londonlik mehmonlar esa 12- o‘rin egasi sifatida maydonga tushishadi. Milliy chempionatdagi ahvol jamoalar saviyasini belgilab bera olmasligini har ikkala klubning ham xalqaro maydonfagi natijalari isbotlab beradi.
Xususan, "Qizil iblislar" payshanba oqshomida Yevropa Chempionlar Ligasining amaldagi g‘olibi sanalgan "Bavariya"si bor Bundes Liga yetakchisini taslim etib barchada iliq taassurot qoldirdi. "To‘pchilar" ham Yevropa Ligasidagi o‘zining g‘alabali yurishini davom ettirib, guruh yetakchiligini o‘z qo‘llariga olib turishibdi.
"Arsenal" yil boshida Mikel Artetani bosh murabbiy etib tayinlagandan so‘ng anchagina jonlana oldi va 2019/20 yil oxirida Angliya kubogiga da’vogarlik qilishdi. Ole Gunnar Sulsher jamoasi singari, ular ham bu mavsumda jadvalning eng yuqori pog‘onasi uchun kurashib ko‘rishadi, shu boisdan ham yakshanba kuni taqdim etiladigan uch ochko qizg‘in bahslarlarga boy o‘tishi shubhasiz.
JAMOADAGI O‘ZGARISHLAR
Hafta o‘rtasidagi Bundesliga etakchilari ustidan qozonilgan g‘alabadan so‘ng manchesterliklar Aleks Tellesning ijobiy KOVID-19 testi tufayli safdan chiqqanini ma’lum qildi. Erik Bailli va Jessi Lingard, Jons hamda Telleslar yana bir necha hafta davomida maydonga tushmasligi ehtimoli yuqori bo‘lib turibdi.
Antoni Marsial ushbu bahsda uchta o‘yindan iborat ichki diskvalifikasiyaning so‘nggi o‘yinini o‘tkazishi sabab maydonga tusha olmaydi.
Londonliklar tarkibiga "Atletiko" safidan kelib qo‘shilgan Tomas Parti bugun APL dagi uchinchi o‘yinida maydonga tushishi mumkin.
Yo‘qotishlarga keladigan bo‘lsak bugungi bahsda Rob Holding, Gabriyel Martinelli, David Luiz va Mesut O‘zil "Arsenal"ga yordam bera olishmaydi.
O‘ZARO UCHRASHUVLAR TARIXI VA STATISTIKA
Birinchi musobaqa uchrashuvi: Nyuton Xit 3–3 "Vulvich Arsenal" - Ikkinchi divizion, 1894-yil 13-oktyabr.
Birinchi Angliya kubogi uchrashuvi: "Manchester Yunayted" 2-3 "Arsenal" 1906-yil 10-mart
Birinchi Liga Kubogi uchrashuvi: "Arsenal" 3-2 "Manchester Yunayted" 1977-yil 30-avgust
Birinchi xalqaro uchrashuvi: "Manchester Yunayted" 1:0 "Arsenal" UYEFA Chempionlar Ligasi yarim finali, 2009- yil 6-aprel
Mehmondagi birinchi g‘alaba: Arsenal: Manchester Yunayted 0:1 Arsenal. Ikkinchi divizion, 1902- yil 15- mart
Manchester Yunayted: Arsenal 0:2 Manchester Yunayted. Ikkinchi divizion, 1897 yil 3- aprel
Eng ko‘p gol urilgan o‘yin: "Manchester Yunayted" 8:2 "Arsenal" - Premer Liga, 2011 yil 28- avgust [133]
Eng yirik g‘alabalar: Arsenal: 5:0 Angliya kubogi to‘rtinchi tur, 1937 yil 30-yanvar
Manchester Yunayted: 8:2 Premer Liga, 2011 yil 28- avgust
Ketma-ket g‘alabalar:
Arsenal: 4 (1997-yil 9-noyabr - 1998-yil 20-centyabr)
Manchester Yunayted: 5 (1983-yil 6-centyabr - 1985-yil 24-avgust)
Eng uzoq mag‘lubiyasiz seriya:
Arsenal: 5 (1922-yil 5-aprel - 1926-yil 28-dekabr; 4 g‘alaba va 1 durang)
Manchester Yunayted: 9 (1954-yil 20-noyabr - 1958-yil 11-oktyabr; 6 g‘alaba va 3 durang)
Eng ko‘p gol urgan futbolchi:
12 - Ueyn Runi ("Manchester Yunayted")
Eng ko‘p maydonga tushgan futbolchi:
50 - Rayan Giggz ("Manchester Yunayted")
So‘ngi uchrashuv: "Arsenal" 2:0 "Manchester Yunayted". "Emirates Stadium", 2020- yil 1- yanvar.
TAXMINIY TARKIBLAR
"Manchester Yunayted": David de Xea, Xarri Maguayr, Aron Uan Bissaka, Lyuk Shou, Viktor Lindelof, Skot Maktominay, Pol Pogba, Bruno Fernandesh, Meyson Grinvud, Markos Reshford, Edinson Kavani
Jarohatdagi futbolchilar: Lingard (to‘piq), Bailli (to‘piq), Jons (tizza), Telles (koronavirus)
"Arsenal": Bernd Leno, Ektor Bellirin, Shkodran Mustafi, Kiran Tirni, Gabrel Magalyayes, Tomas Parti, Dani Sebalos, Bukayo Saka, Pepe, Obamiyang, Villian
Jarohatdagi futbolchilar:
Xolding (tizza), David Luiz (son), Mari (to‘piq), Chambers (tizza), Martinelli (tizza)
UCHRASHUV VAQTI VA JOYI
2020- yil 1- Noyabr 21:30 (Toshkent vaqti bilan).
"Old Trafford" (Manchester Yunayted)
SHAXBOZ Qaxxorov tayyorladi
