Angliya chempionatining 7-turi doirasida «Tottenxem» o‘z uyida «Brayton»ni qabul qilib, oson bo‘lmagan g‘alabani qo‘lga kiritdi.

O‘yin boshida hakam VAR yordamida penalti belgiladi. Xarri Keyn undan samarali foydalanib, hisobni ochdi.

Ikkinchi bo‘lim avvalida esa mehmonlar hisobni tenglashtirishga muvaffaq bo‘lishdi: Lempti 14 metrlardan darvoza burchagini aniq nishonga oldi.

"Shporlar" vaziyatni o‘nglash uchun oldinga tashlanishdi. Ularning zarbalaridan keyin to‘p ikki marta ustunga tegib qaytdi. Uchrashuvning 73-daqiqasida esa qanotdan yetkazilgan uzatmani Beyl bosh bilan darvozaga burib yuborib, "Tottenxem"ni oldinga olib chiqdi.

Ushbu g‘alaba evaziga Mourinyo jamoasi o‘z ochkolarini 14taga yetkazib, jadvalda 2-o‘ringa ko‘tarilib oldi.

Angliya premyer-ligasi, 7-tur
Tottenxem – Brayton 2:1 (1:0, 1:1)
Gollar: 1:0 – 13, penalti Keyn, 1:1 – 56 Lempti, 2:1 – 73 Beyl.
Tottenxem – Lyoris, Regilon, Alderveyreld, Doerti, Dayer, Ndombele (Lo Chelso, 64), Sissoko, Xeybyerg, Lamela (Beyl, 70), Son Xin Min (Devis, 85), Keyn.
Brayton – Sanches, Lempti (Mak Allister, 79), Bern, Veltman, Uayt, Lallana, March (Bernardo, 65), Gross, Bissuma, Trossard (Uelbek, 74), Uebster.
Ogohlantirishlar: Ndombele (7), Regilon (39), Bern (45).