Англия чемпионатининг 7-тури доирасида «Тоттенхэм» ўз уйида «Брайтон»ни қабул қилиб, осон бўлмаган ғалабани қўлга киритди.

Ўйин бошида ҳакам VAR ёрдамида пенальти белгилади. Харри Кейн ундан самарали фойдаланиб, ҳисобни очди.

Иккинчи бўлим аввалида эса меҳмонлар ҳисобни тенглаштиришга муваффақ бўлишди: Лэмпти 14 метрлардан дарвоза бурчагини аниқ нишонга олди.

"Шпорлар" вазиятни ўнглаш учун олдинга ташланишди. Уларнинг зарбаларидан кейин тўп икки марта устунга тегиб қайтди. Учрашувнинг 73-дақиқасида эса қанотдан етказилган узатмани Бэйл бош билан дарвозага буриб юбориб, "Тоттенхэм"ни олдинга олиб чиқди.

Ушбу ғалаба эвазига Моуриньо жамоаси ўз очколарини 14тага етказиб, жадвалда 2-ўринга кўтарилиб олди.

Англия премьер-лигаси, 7-тур
Тоттенхэм – Брайтон 2:1 (1:0, 1:1)
Голлар: 1:0 – 13, пенальти Кейн, 1:1 – 56 Лэмпти, 2:1 – 73 Бэйл.
Тоттенхэм – Льорис, Регилон, Алдервейрелд, Доэрти, Дайер, Ндомбеле (Ло Чельсо, 64), Сиссоко, Хейбьерг, Ламела (Бэйл, 70), Сон Хын Мин (Дэвис, 85), Кейн.
Брайтон – Санчес, Лэмпти (Мак Аллистер, 79), Берн, Велтман, Уайт, Лаллана, Марч (Бернардо, 65), Гросс, Биссума, Троссард (Уэлбек, 74), Уэбстер.
Огоҳлантиришлар: Ндомбеле (7), Регилон (39), Берн (45).