Agar avgust oyida markazlashgan musobaqa qila olmaganimizda edi, biz hozir 18-turni ham o‘tkaza olmagan bo‘lardik. O‘sha musobaqa liganing yutug‘i bo‘ldi.

So‘nggi to‘rt turda 14 klubning barchasi ikkitadan uy va ikkitadan safar uchrashuvida ishtirok etishi kerak — bu borada tenglik. Muxlislar uchrashuvlarni kuzatishlari uchun endigina imkoniyat paydo bo‘ldi va ko‘ryapmizki, ular stadionlarga qaytishyapti. Futbol esa aynan ular uchun o‘ynaladi.

Neytral maydonlar masalasida O‘zPFL klublar bilan fikr almashib, ularning ovozlaridan kelib chiqqandi. Bugun Superliga bosh murabbiylari bilan bog‘lanib, birma-bir fikr almashdik. 10 ta klub bosh murabbiyi aynan muxlislik faktoridan kelib chiqib, uy-safar tizimida musobaqani yakunlashga rozi bo‘ldi. Bu biz uchun muhim nuqta va ishonamanki, tez orada so‘nggi taqvimni e’lon qilish imkoniyatimiz bo‘ladi.