Superliganing 19-tur doirasida bo‘lib o‘tgan "Qizilqum" hamda "Navbahor" jamoalari o‘rtasidagi uchrashuv yakuniga yetgach, mehmonlar bosh murabbiyi No‘’mon Hasanov matbuot anjumanida ishtirok etdi.
"Uchrashuv yaxshi maydonda, chiroyli tarzda kechdi. Garchi asosiy tarkibning 5 nafar futbolchisi maydonga tushmagan bo‘lsa-da, yigitlar ko‘rsatmalarimni yaxshi bajarib, chiroyli o‘yin namoyish etishdi. Birinchi bo‘limda jamoamizda ko‘plab xavfli vaziyatlar yuzaga kelgan bo‘lsa-da, yigitlar negadir gol ura olishmadi. Hattoki, bo‘sh darvozaga ham to‘p kirmadi. Shunday bo‘lsa-da, Namanganga g‘alaba bilan qaytyapmiz.
Ushbu yutuqni muxlislar, jamoamizni qo‘llab-quvvatlab turgan Namangan viloyat hokimi Shavkat Shokirjanovich Abdurazzoqov, shuningdek, “Navbahor” homiylariga bag‘ishlaymiz. Mazkur g‘alaba ular uchun bayram bo‘ldi"-dedi Hasanov.
