Xabaringiz bor, O‘zbekiston futbol assosiasiyasi va UEFA o‘rtasidagi o‘zaro tajriba almashish bo‘yicha hamkorlik doirasida UEFA texnik konsultanti Rojer Meyxri yurtimizda bo‘lib, faoliyat olib bormoqda.

Ushbu hafta avvalida UEFA mutaxassisi O‘FA mas’ul xodimlari bilan birgalikda Farg‘ona vodiysi tomon yo‘l oldi. Xizmat safari davomida, tajribali mutaxassis Andijon, Farg‘ona va Namangan viloyati hududiy futbol assosiasiyalarining har bir yo‘nalish bo‘yicha olib borayotgan faoliyatini atroflicha o‘rganib, murabbiylar tajribasini tahlil qilmoqda.

Rojer Meyxri dastlab Andijon viloyatida bo‘lib, viloyatdagi futbol akademiyalari hamda sport maktablari faoliyati bilan tanishdi. Mashg‘ulotlarda ishtirok etayotgan tarbiyalanuvchilar hamda ularning murabbiylar bilan yaqindan muloqot qilib, ularga zarur ko‘rsatma va maslahatlar berildi.

Shundan so‘ng, UEFA konsultanti Farg‘ona viloyatiga tashrif buyurdi. Viloyat futbol markazi, «Neftchi» futbol maktabi hamda «Istiqlol» stadionida bolalar va o‘smirlar futbol bilan muntazam shug‘ullanishlari uchun yaratilgan mavjud sharoitlarni ko‘zdan kechirdi.