Stadion.uz Italiyadagi vaziyatga oydinlik kiritib o‘tadi.
Italiyaning eng taniqli nashri Le Gazzeta Della Sport Rim klubining muammolari haqida atroflicha ma’lumot berib o‘tdi. «Lasio»ning COVID-19 bilan muammosi bor ekanligi va bu ish qay darajada chuqurlashib ketganiga to‘xtalib o‘tgan nashr e’lon qilgan maqolani e’tiboringga havola etamiz.
Muammo shundaki, Rim klubi YECHL doirasida «Zenit»ga qarshi o‘yinda o‘zining deyarli barcha asosiy tarkib futbolchilaridan foydalana olmadi. Ularda koronavirus bor ekanligi taxmin qilingani bois, jamoa YECHLda ularni maydonga tushishiga ruxsat bermadi. Oradan ko‘p o‘tmay, klub to‘liq tarkibda «Torino»ga qarshi o‘yinda ishtirok etdi. «Zenit»ga qarshi bahsni o‘tkazib yuborgan Immobele esa, «buqalar»ga qarshi uchrashuvning asosiy qahramoniga aylandi.
Vaziyatni Italiya nashrlari bo‘rttirib ko‘rsatishni boshlagach, mamlakat futbol federasiyasi ishga aralashdi. Sog‘liqni saqlash vazirligi bilan hamkorlikda ish olib borayotgan mutasaddilari Ligadagi ahvolni ancha yaxshilab olgani bois, qo‘pol xatoga yo‘l qo‘yishning oldini olish maqsadida bu ishga kirishdi. «Lasio» klubi futbolchilari haqida ma’lumotlar prokuraturga yuborildi.
Vaziyatni chetdan tomosha qilayotgan Muxlisalar esa, pandemiya chog‘ida ehtiyotkorsizlikka yo‘l qo‘ygan klubga o‘z g‘azablarini sochishni boshlab yuborishdi. Deyarli barcha nashrlarda «burgutlar»ning mas’uliyatsizlik bilan ishga yondashgani keng muhokama qilindi.
Sanksiya e’lon qilinadimi?
Endi barchasini isbotlash lozim. Birinchi navbatda prokuratura bu ish masalasida tekshiruv ishlarini olib boradi. Agar, «Torino»ga qarshi bahs oldidan Immobele, Leyva va Starkoshalar ijobiy test natijalariga qaramay maydonga tushgani ma’lum bo‘lsa, Rim klubini og‘ir jazo kutib turibdi. Bu haqida «Le Gazzeta Della Sport» nashrining ma’lum qilishicha, nizomdagi 8 band asosida "A ceriya »Lasio"ni musobaqadan chetlatish huquqiga ega bo‘ladi.
Shunday bo‘lsada, ushbu klub uchun bunday tahdid birinchi marotaba yangramayapti. Avvalroq ham bu voqea takrorlangan, biroq yakunda «burgutlar»ga hech qanday ziyon yetmagan. Katta ehtimol bilan jazo sifatida ma’lum miqdordagi jarima yoki bir necha ochkoning olib tashlashini qo‘llanilishi mumkin. Buni rad etib bo‘lmaydi. Butun Yevropa virusning ikkinchi to‘lqinidan xavfsirayotgan payda «Lasio» qilgan ishni oqlab bo‘lmaydi.
Endilikda, jamoa «Torino»ga qarshi bahs oldidan yuqorida nomi zikr qilingan 3 ta futbolchining testlari manfiy ekanligini isbotlab berishi lozim. Aks xolda, jamoa nafaqat jarima, balki Italiya xalqi nafratiga ham uchrashi mumkin. Sababi, ushbu yurt COVID-19dan juda katta zarar ko‘rdi va ko‘rishda davom etmoqda.
