«Barselona» bosh murabbiyi Ronald Kuman muxlislar tomonidan Lionel Messi sha’niga aytilgan tanqidlarga javob qaytardi.

«U ajoyib o‘yinchi. Messi hamon yuksak iqtidor egasi va buni namoyish etmoqda. Leo o‘yin taqdirini ta’sir ko‘rsata oladigan futbolchi bo‘lib qoladi. Messi raqibga xavf yarata oladigan pozisiya topishga harakat qilyapmiz.

Lionel — juda muhim o‘yinchi, ayniqsa, hujumda. U turli pozisiyalarda o‘ynagan va hamisha raqibga muammo yaratadi. Messi hamon futboldan zavflanmoqda. U tug‘ma g‘olib va buni namoyish etmoqda. Lekin hamma kabi unda ham qiyin vaziyatlar bo‘ladi, ayniqsa, to‘p darvozaga kirmasa.

Har qanday o‘yinchini maydonda piyoda yurgan holatini videoga olish mumkin. Meni esa uning ishga bo‘lgan munosabati qiziqtiradi. U mashg‘ulotda diqqat bilan ishlamoqda. Qarama-qarshilik yuzaga keltirishni istamayman. Biz 2:1 hisobida oldinda boryapmiz va siz 93-daqiqada uning maydonda piyoda yurganini suratga olyapsiz. E’tiborni ishga qaratish kerak, suratga emas», — dedi Kuman "Marca" nashriga bergan intervyusida.

Eslatib o‘tamiz, Yevropa chempionlar ligasi guruh bosqichi 3-turi doirasida bo‘lib o‘tgan Kiyevning «Dinamo»ga qarshi o‘yinda Messining maydonda piyoda yurgan videolavhasi internetda tarqalib ketdi.