Kataloniyaning «Barselona» klubi bosh murabbiyi Ronald Kuman La Liganing 9-tur doirasida «Betis» klubiga qarshi bo‘lib o‘tadigan o‘yin haqidagi fikrlari bilan o‘rtoqlashdi.

«Har bir uchrashuv muhim. Biz o‘z maydonimizda o‘ynaymiz, ammo, «Betis» yaxshi o‘yin namoyish etadigan jamoa. Ular g‘alaba ham qozondi, mag‘lubiyatga ham uchradi. Bu bizning qiyin uchrashuv kutib turganidan dalolat beradi. O‘z o‘yinimizni namoyish etishimiz kerak, «Dinamo»ga qarshi bo‘lib o‘tgan o‘yindan ko‘ra himoyada yaxshiroq o‘ynashimiz kerak.

Bizda ko‘proq barqarorlik bo‘lishi kerak. Buning ustida yaxshi ishladik. Yaxshi harakat qilishni xohlaymiz. O‘z xatolarimizni bartaraf etdik deb o‘ylayman»-dedi Kuman.