«Atletiko» hujumchisi Luis Suares Ispaniya chempionatining 10-turi doirasida bo‘ladigan «Barselona»ga qarshi o‘yin borasida o‘z fikrini bildirib o‘tdi.

– «Atletiko» terma jamoalar uchrashuvlaridan keyin «Barsa» bilan to‘qnash keladi. Sobiq jamoangizga gol ursangiz, uni nishonlaysizmi?
– Yo‘q, sobiq jamoadoshlarim va klubimga bo‘lgan hurmat tufayli golni xursandchilik bilan nishonlamayman. Bu men uchun muhim o‘yinga aylanadi — men do‘stlarimga qarshi maydonga tushaman.

Shu bilan birgalikda, «Atletiko» futbolkasi uchun bor kuchimni beraman. O‘z o‘yinimni zavqlanyapman. Bundan keyin ham yuqori saviyadagi o‘yinchi ekanimni ko‘rsatishda davom etishni istayman.

– Eng yaqin do‘stingiz — Messiga qarshi o‘ynashga to‘g‘ri keladi. Hozir munosabatlaringiz qanday?
– Biz doimo gaplashib turamiz. Ammo biz hayot haqida, kundalik hayotda nimalar ro‘y berayotgani haqida gaplashamiz. Farzandlarimizning tug‘ilgan kunlari yonma-yon. Biz shunday narsalar haqida suhbatlashamiz.

Munosabatlarimiz juda yaxshi. Shu bois, faqat futbol haqida emas, boshqa narsalar haqida ham gaplashamiz. Bir-birimizni qo‘llab-quvvatlashga harakat qilamiz.