«Атлетико» ҳужумчиси Луис Суарес Испания чемпионатининг 10-тури доирасида бўладиган «Барселона»га қарши ўйин борасида ўз фикрини билдириб ўтди.

– «Атлетико» терма жамоалар учрашувларидан кейин «Барса» билан тўқнаш келади. Собиқ жамоангизга гол урсангиз, уни нишонлайсизми?
– Йўқ, собиқ жамоадошларим ва клубимга бўлган ҳурмат туфайли голни хурсандчилик билан нишонламайман. Бу мен учун муҳим ўйинга айланади — мен дўстларимга қарши майдонга тушаман.

Шу билан биргаликда, «Атлетико» футболкаси учун бор кучимни бераман. Ўз ўйинимни завқланяпман. Бундан кейин ҳам юқори савиядаги ўйинчи эканимни кўрсатишда давом этишни истайман.

– Энг яқин дўстингиз — Мессига қарши ўйнашга тўғри келади. Ҳозир муносабатларингиз қандай?
– Биз доимо гаплашиб турамиз. Аммо биз ҳаёт ҳақида, кундалик ҳаётда нималар рўй бераётгани ҳақида гаплашамиз. Фарзандларимизнинг туғилган кунлари ёнма-ён. Биз шундай нарсалар ҳақида суҳбатлашамиз.

Муносабатларимиз жуда яхши. Шу боис, фақат футбол ҳақида эмас, бошқа нарсалар ҳақида ҳам гаплашамиз. Бир-биримизни қўллаб-қувватлашга ҳаракат қиламиз.