Madridning "Atletiko" klubi bosh murabbiyi Diyego Simeone "Kadis" (4:0) ustidan qo‘lga kiritilgan g‘alabadan so‘ng, keyingi turda Kataloniyaning "Barselona" klubiga qarshi bo‘ladigan o‘yin haqida gapirdi.
- Biz kerakli ishtiyoq bilan o‘ynadik. Mashg‘ulotlarda qattiq mehnat qilyapmiz va barcha jabhalarda rivojlanib boryapmiz. Meni xursand qilayotgan jihati shuki, o‘tgan yili kam maydonga tushgan futbolchilar joriy mavsumda jamoamizning asosiy futbolchilariga aylanib olishdi. Bizda hali rivojlantirishimiz kerak bo‘lgan narsalar bor. "Barselona" biz haqimizda biladi. "Barselona" klubiga qarshi bo‘lib o‘tadigan bahs turnir jadvaliga qattiq ta’sir qiladi deb o‘ylamayman. O‘yingacha hali oldimizda 15 kun vaqt bor. Hozir futbolchilar o‘z terma jamoalari safiga yo‘l oladi. Ularni qanday holatda qaytib kelishlarini kuzatamiz. O‘sha paytdagi vaziyatga qarab tarkibimizni shakllantiramiz, — dedi Simeone Goal bilan suhbatda.
