Мадриднинг "Атлетико" клуби бош мураббийи Диего Симеоне "Кадис" (4:0) устидан қўлга киритилган ғалабадан сўнг, кейинги турда Каталониянинг "Барселона" клубига қарши бўладиган ўйин ҳақида гапирди.

- Биз керакли иштиёқ билан ўйнадик. Машғулотларда қаттиқ меҳнат қиляпмиз ва барча жабҳаларда ривожланиб боряпмиз. Мени хурсанд қилаётган жиҳати шуки, ўтган йили кам майдонга тушган футболчилар жорий мавсумда жамоамизнинг асосий футболчиларига айланиб олишди. Бизда ҳали ривожлантиришимиз керак бўлган нарсалар бор. "Барселона" биз ҳақимизда билади. "Барселона" клубига қарши бўлиб ўтадиган баҳс турнир жадвалига қаттиқ таъсир қилади деб ўйламайман. Ўйингача ҳали олдимизда 15 кун вақт бор. Ҳозир футболчилар ўз терма жамоалари сафига йўл олади. Уларни қандай ҳолатда қайтиб келишларини кузатамиз. Ўша пайтдаги вазиятга қараб таркибимизни шакллантирамиз, — деди Симеоне Goal билан суҳбатда.