Londonning «Arsenal» klubi bosh murabbiyi Mikel Arteta APL doirasida «Aston Villa» (0:3) klubidan qabul qilib olingan mag‘lubiyat haqida o‘z fikrini bildirdi.
«Birinchidan, ajoyib o‘yin namoyish etgan «Aston Villa» klubini bugungi g‘alaba bilan tabriklayman. Ular bugun kuchli edi.
Bugungi bo‘lgan voqealar uchun va mag‘lubiyat uchun barcha aybni o‘z bo‘ynimga olaman, chunki biz bugun omadsiz o‘ynadik.
Kiyinish xonasidagi futbolchilarga nima deganimni sir saqlayman. Mening vazifam – har uch kunda jamoani yuqori saviyadagi o‘yin namoyish etishga majburlash, bugun esa biz buni uddalay olmadik.
Jamoaga bosh murabbiy bo‘lib kelganimdan beri bugun birinchi marotaba "Arsenal"ni maydonda ko‘rmadim», – dedi Arteta.
"Arsenal" klubi APLning so‘nggi to‘rtta o‘yinining uchtasida mag‘lubiyatga uchradi.
