Лондоннинг «Арсенал» клуби бош мураббийи Микель Артета АПЛ доирасида «Астон Вилла» (0:3) клубидан қабул қилиб олинган мағлубият ҳақида ўз фикрини билдирди.

«Биринчидан, ажойиб ўйин намойиш этган «Астон Вилла» клубини бугунги ғалаба билан табриклайман. Улар бугун кучли эди.

Бугунги бўлган воқеалар учун ва мағлубият учун барча айбни ўз бўйнимга оламан, чунки биз бугун омадсиз ўйнадик.

Кийиниш хонасидаги футболчиларга нима деганимни сир сақлайман. Менинг вазифам – ҳар уч кунда жамоани юқори савиядаги ўйин намойиш этишга мажбурлаш, бугун эса биз буни уддалай олмадик.

Жамоага бош мураббий бўлиб келганимдан бери бугун биринчи маротаба "Арсенал"ни майдонда кўрмадим», – деди Артета.

"Арсенал" клуби АПЛнинг сўнгги тўртта ўйинининг учтасида мағлубиятга учради.