Argentinalik afsonaviy futbolchi Diyego Maradona shifoxonadan chiqarildi, deya xabar tarqatdi "Football Italia". Eslatib o‘tamiz, jarrohlik yo‘li orqali Maradonaning miyasida qotgan qonlar olib tashlandi.

«Diyego hayotidagi eng qiyin vaziyatni boshdan kechirdi. U o‘zini yaxshi his qilmoqda va tezroq sog‘ayishni istamoqda. Hozir unga ruhiy dalda va xotirjamlik kerak», — dedi argentinalikning advokati Matias Morla.

Diyego so‘nggi marta 30 oktyabr kuni omma oldida paydo bo‘lgan edi. U 60 yoshga to‘lgan kun Argentina chempionatining 1-turi doirasida «Ximnasiya i Esgrima» klubi «Patronato» bilan to‘qnash kelgan edi (3:0). O‘yindan oldin murabbiyga esdalik sog‘asi topshirildi. Ammo Maradona shunday so‘ng o‘zini yomon his qilgani uchun uni shifoxonaga olib ketishdi.