Ispaniya futboli tarixi va statistikasi ilmiy-tadqiqot markazi (CIHEFE) Ispaniyaning XXI asrdagi eng yaxshi klublari reytingini e’lon qildi.

Barcha musobaqalarni inobatga olganda, reytingni «Barselona» boshqardi — 3465 ochko. Ikkinchi pog‘onani esa «Real» egalladi — 3347. «Atletiko» esa kuchli uchlikka kirdi — 2149.

Kataloniyaliklar La liga va Ispaniya kubogida eng yaxshi natija qayd etishgan bo‘lsa, "Qirollik klubi"ning Chempionlar ligasidagi natijalari yaxshi bo‘ldi.

Ushbu asrdagi sovrinlar soni bo‘yicha «Barselona» yetakchilik qilmoqda — 34ta. Bu boarada «Real» ikkinchi pog‘onani band etdi — 29ta sovrin.

Mazkur reyting mavsum-2000/01dan mavsum-2019/2020gacha bo‘lgan qo‘lga kirtilgan natijalar inobatga olingan. Bunda qo‘lga kiritilgan sovrinlar emas, g‘alaba qozonilgan o‘yinlar inobatga olindi. Bitta g‘alaba uchun 9 ochko, durang uchun esa 3 ball hisoblandi.

Ispaniyaning XXI asrdagi eng yaxshi klublari reytingi:

«Barselona» — 3465 ochko
«Real» — 3347
«Atletiko» — 2149
«Valensiya» — 2 139
«Sevilya» — 1 992
«Vilyarreal» — 1 648
«Atletik» — 1 405
«Deportivo» — 1 395
«Selta» — 1 164
«Espanyol» — 1 144
«Betis» — 1 137
«Real Sosyedad» — 1 108
«Malaga» — 1 035
«Xetafe» — 1 028
«Malyorka» — 1 009.