Nigeriya terma jamoasining sobiq futbolchisi Kristian Obodoni noma’lum shaxslar o‘g‘irlab ketishdi.

"L’Equipe" tarqatgan xabarga ko‘ra, qurollangan shaxslar sobiq futbolchini Nigeriyaning janubiy qismida joylashgan Varri shahrida olib qochib ketishdi.

«Uni qidirish bilan mashg‘ulmiz, ammo hozircha o‘g‘rilar bilan aloqa o‘rnatishning imkoni bo‘lmadi», – dedi polisiya vakili.

Ma’lumot o‘rnida. Obodoni 2012 yilda ham o‘g‘irlab ketishgan edi. Oradan bir kun o‘tib esa polisiya uni ozod qilgan edi. O‘shanda o‘g‘rilar futbolchi uchun 149 ming yevro talab qilishgan edi.

Obodo faoliyati davomida «Fiorentina», «Udineze», «Perudja» va «Dinamo Minsk» klublari o‘ynab, 2017 yilda butsasini mixga ilgan edi.