Millatlar Ligasining 6-turidan o‘rin olgan so‘nggi bahslar 18 noyabr, chorshanba kuni bo‘lib o‘tdi.
Polsha terma jamoasi o‘z maydonida Niderlandiyani qabul qildi. Uchrashuvning 5-daqiqasida Kamil Yuzvyak mezbonlarni oldinga olib chiqdi. Bunga mehmonlar 77-daqiqaga kelib javob qaytara oldi: Memfis Depay penaltini aniq amalga oshirgan holda muvozanatni tikladi. O‘yin yakunlanishi arafasida Jorjinyo Veynaldum niderlandlarning ikkinchi golini urdi.
Guruhning ikkinchi o‘yinida Italiya terma jamoasi Bosniya va Gersegovina mehmoni bo‘ldi. Andrea Belotti va Domeniko Berardining gollari italiyaliklarga g‘alaba olib keldi.
Shu tariqa Italiya 12 ochko to‘plagan holda guruhni birinchi o‘rinda yakunladi va yarim final yo‘llanmasiga ega chiqdi. Niderlandiya esa 11 ochko bilan 2-o‘rinda qolib ketdi.
Millatlar Ligasi, 6-tur.
Polsha — Niderlandiya 1:2
Gollar: 1:0 – 5 Yuzvyak, 1:1 – 77, penalti Depay, 1:2 – 84 Veynaldum.
Polsha: Fabianski, Kendzera, Bednarek, Glik, Retsa (Ribus, 81), Krixovyak (Linetti, 71), Klix, Yuzvyak, Zelinski (Moder, 71), Plaxeta (Grosiski, 75), Levandovski (Piontek, 46).
Niderlandiya: Krul, van Anxolt (Veyndal, 70), Xatebur (Dumfris, 57), de Vrey, Blind (de Yong, 84), Veynaldum, de Yong, Klassen (van de Bek, 70), Stengs (Bergeys, 70), Malen, Depay.
Ogohlantirishlar: Krixovyak (15), Yuzvyak (76), Bednarek (77).
Bosniya va Gersegovina — Italiya 0:2
Gollar: 0:1 – 22 Belotti, 0:2 – 68 Berardi.
