Kecha, 19 noyabr kuni «Bunyodkor» akademiyasi sport zalida O‘zbekiston va Tojikiston terma jamoalari o‘rtasida o‘rtoqlik uchrashuvi bo‘lib o‘tdi. Unda Bahodir Ahmedov shogirdlari 4:2 hisobida g‘alaba qozonishdi.

Birinchi taymning dastlabki yarmida vakillarimiz Akbar Usmonovning gollari evaziga 2:0 hisobida oldinga chiqib olishgan edi, ammo mehmonlar tanaffusga qadar hisobni tenglashtirishdi.

Ikkinchi bo‘limda O‘zbekiston milliy jamoasi Anasxon Rahmatov va Davron Choriyevning gollari evaziga g‘alabani o‘z tomonlariga og‘dirishdi – 4:2.

17 noyabr kuni o‘zbekistonlik futbolchilar Qirg‘izistonni 2:1 hisobida mag‘lub etgan edi. 18 noyabr kuni o‘tkazilgan Tojikiston va Qirg‘iziston o‘rtasidagi o‘yinda 1:1 hisobi qayd etilgan edi.

O‘rtoqlik uchrashuvi
O‘zbekiston – Tojikiston – 4:2
Gollar: Akbar Usmonov (2), Anasxon Rahmatov, Davron Choriyev – Parviz Rahmatov (2).
19 noyabr. Toshkent. «Bunyodkor» akademiyasi sportzali.