Angliyaning "Liverpul" klubi bosh murabbiyi Yurgen Klopp terma jamoalarning o‘yinlaridan keyin norozi ekanligini yashirmadi. Uning jamoasi muhim futbolchilarini yo‘qotdi. Gomes, Aleksandr-Arnold va Xendersonlar o‘z terma jamoalarida jarohat olgan bo‘lsa, Muhammad Saloh koronavirus yuqtirib keldi.
«Biz oddiy mavsumdan ko‘ra, qishki mavsum uchun qattiq kurashdik. Hozir noodatiy yil. O‘yinlar soni o‘sha-o‘sha, lekin mavsum to‘rt haftaga qisqargan. Dunyo o‘zgardi, lekin APLning taqvimi va uchta o‘yinchi almashtirish qoidasi o‘zgarmadi.
Biz mana shu ikki masala haqida gapirishimiz kerak. Odamlarning futbolchilarning maoshlarini muhokama qilavermasdan, mana shu omillarni tushunishlari kerak. Ajoyib aktyorlar bor, lekin ular Jeyms Bond bo‘la olmaydi. Jeyms Bond ko‘proq maosh ishlab topadi. Futbolni ko‘plab insonlar o‘ynaydi, biroq, katta maoshni futbolni yaxshi o‘ynaganlar oladi.
Shu bilan birga, ish haqi bilan bog‘liq bo‘lgan bu holat ularni hayotda hamma nasrada barqaror qila olmaydi», – dedi Klopp.
