Англиянинг "Ливерпуль" клуби бош мураббийи Юрген Клопп терма жамоаларнинг ўйинларидан кейин норози эканлигини яширмади. Унинг жамоаси муҳим футболчиларини йўқотди. Гомес, Александр-Арнольд ва Хендерсонлар ўз терма жамоаларида жароҳат олган бўлса, Муҳаммад Салоҳ коронавирус юқтириб келди.
«Биз оддий мавсумдан кўра, қишки мавсум учун қаттиқ курашдик. Ҳозир ноодатий йил. Ўйинлар сони ўша-ўша, лекин мавсум тўрт ҳафтага қисқарган. Дунё ўзгарди, лекин АПЛнинг тақвими ва учта ўйинчи алмаштириш қоидаси ўзгармади.
Биз мана шу икки масала ҳақида гапиришимиз керак. Одамларнинг футболчиларнинг маошларини муҳокама қилавермасдан, мана шу омилларни тушунишлари керак. Ажойиб актёрлар бор, лекин улар Жеймс Бонд бўла олмайди. Жеймс Бонд кўпроқ маош ишлаб топади. Футболни кўплаб инсонлар ўйнайди, бироқ, катта маошни футболни яхши ўйнаганлар олади.
Шу билан бирга, иш ҳақи билан боғлиқ бўлган бу ҳолат уларни ҳаётда ҳамма насрада барқарор қила олмайди», – деди Клопп.
