Angliyaning "Manchester Yunayted" klubi bosh murabbiyi Ole Gunnar Sulsher ushbu mavsumda kam o‘yin o‘tkazayotgan yarim himoyachi Pol Pogba atrofidagi vaziyat haqida gapirdi.

«O‘tgan mavsum Pogba uchun qiyin bo‘ldi. U koronavirus bilan kasallangandi. Fransiya terma jamoasi tarkibidagi uchta uchrashuv uning shakllanishiga va o‘yin ritmiga qaytishiga yordam berdi. Biz suhbatlashdik, endi u o‘zini kuchliroq bo‘lganini his qilmoqda.

Ishonamanki, u faqat rivojlanadi. U biz uchun ham futbolchi, ham shaxs sifatida juda muhimdir. Uning yuqori sport formasida bo‘lishi "Manchester Yunayted" uchu aqlbovar qilmas darajada muhim.

Har bir o‘yin yangi hayotga o‘xshaydi. O‘z maydonimizda YECHL doirasida "Leypsig" klubiga qarshi mavsumdagi eng yaxshi o‘yinimizni o‘tkazdik. Shunday qilib, biz o‘z maydonimizda va safardagi o‘yinlarda boshqacha ko‘rinyapmiz.

Biz ishlayapmiz. "Everton"ga qarshi o‘yin oldinga qadam tashlashda davom etayotganimizni ko‘rsatdi. Ishonchli himoyaviy o‘yin, ikkita ajoyib jamoaviy gol, ijodkorlik va qarshi hujumdan ajoyib gol», - dedi Sulsher.

"Manchester Yunayted" APLning 9-turida "Vest Bromvich" klubini qabul qiladi. O‘yin ertaga, 21 noyabr kuni bo‘lib o‘tadi va Toshkent vaqti bilan soat 00:00da boshlanadi.