Англиянинг "Манчестер Юнайтед" клуби бош мураббийи Оле Гуннар Сульшер ушбу мавсумда кам ўйин ўтказаётган ярим ҳимоячи Пол Погба атрофидаги вазият ҳақида гапирди.

«Ўтган мавсум Погба учун қийин бўлди. У коронавирус билан касалланганди. Франция терма жамоаси таркибидаги учта учрашув унинг шаклланишига ва ўйин ритмига қайтишига ёрдам берди. Биз суҳбатлашдик, энди у ўзини кучлироқ бўлганини ҳис қилмоқда.

Ишонаманки, у фақат ривожланади. У биз учун ҳам футболчи, ҳам шахс сифатида жуда муҳимдир. Унинг юқори спорт формасида бўлиши "Манчестер Юнайтед" учу ақлбовар қилмас даражада муҳим.

Ҳар бир ўйин янги ҳаётга ўхшайди. Ўз майдонимизда ЕЧЛ доирасида "Лейпциг" клубига қарши мавсумдаги энг яхши ўйинимизни ўтказдик. Шундай қилиб, биз ўз майдонимизда ва сафардаги ўйинларда бошқача кўриняпмиз.

Биз ишлаяпмиз. "Эвертон"га қарши ўйин олдинга қадам ташлашда давом этаётганимизни кўрсатди. Ишончли ҳимоявий ўйин, иккита ажойиб жамоавий гол, ижодкорлик ва қарши ҳужумдан ажойиб гол», - деди Сульшер.

"Манчестер Юнайтед" АПЛнинг 9-турида "Вест Бромвич" клубини қабул қилади. Ўйин эртага, 21 ноябр куни бўлиб ўтади ва Тошкент вақти билан соат 00:00да бошланади.