Fransiyaning "Monako" klubi yarim himoyachisi Sesk Fabregas chempionat doirasida PSJ (3:2) ustidan qo‘lga kiritilgan g‘alaba haqida fikr bildirdi.
— Tanaffus paytida ikkinchi bo‘limda gol urishga va o‘yinni "PSJ" tomonida o‘tkazishga umid qildik. Ularni seshanba kuni YECHL doirasida "Leypsig" bilan qiyin o‘yin kutib turganini, shuning uchun, ikkinchi bo‘limda ular shiddatsizroq o‘yin namoyish etishlarini bilardik. Bunday o‘yinlarda nima qilish kerakligi borasida tajribaga egaman, shu sababli, bugun bor imkoniyatimni ishga solishga harakat qildim. "PSJ"ga ayni paytda juda qiyin, ularning ko‘plab futbolchilari o‘z terma jamoalaridan qaytib kelganiga ko‘p bo‘lmadi, oldinda esa YECHL o‘yini turibdi. Agar ular seshanba kuni mag‘lubiyatga uchrashsa, u holda guruhdan chiqish vazifasini qiyinlashtirib olishadi. Ehtimol, bugun ularning xayollari seshanba kuni "Leypsig" klubiga qarshi bo‘ladigan o‘yin bilan band bo‘lgandir, biz esa bu imkoniyatdan foydalanib qoldik, — Fabregasning so‘zlaridan iqtibos keltirmoqda L`Equipe.
