Франциянинг "Монако" клуби ярим ҳимоячиси Сеск Фабрегас чемпионат доирасида ПСЖ (3:2) устидан қўлга киритилган ғалаба ҳақида фикр билдирди.
— Танаффус пайтида иккинчи бўлимда гол уришга ва ўйинни "ПСЖ" томонида ўтказишга умид қилдик. Уларни сешанба куни ЕЧЛ доирасида "Лейпциг" билан қийин ўйин кутиб турганини, шунинг учун, иккинчи бўлимда улар шиддатсизроқ ўйин намойиш этишларини билардик. Бундай ўйинларда нима қилиш кераклиги борасида тажрибага эгаман, шу сабабли, бугун бор имкониятимни ишга солишга ҳаракат қилдим. "ПСЖ"га айни пайтда жуда қийин, уларнинг кўплаб футболчилари ўз терма жамоаларидан қайтиб келганига кўп бўлмади, олдинда эса ЕЧЛ ўйини турибди. Агар улар сешанба куни мағлубиятга учрашса, у ҳолда гуруҳдан чиқиш вазифасини қийинлаштириб олишади. Эҳтимол, бугун уларнинг хаёллари сешанба куни "Лейпциг" клубига қарши бўладиган ўйин билан банд бўлгандир, биз эса бу имкониятдан фойдаланиб қолдик, — Фабрегаснинг сўзларидан иқтибос келтирмоқда L`Equipe.
