«MYU» ustozi «Vest Bromvich»ga qarshi kechgan og‘ir uchrashuvdagi qaltis qarorlarga o‘z munosabatini bildirdi.

«Men o‘z futbolchimni oqlamoqchi emasman. Fernandesh o‘shanda qo‘pol o‘ynadi, lekin dastlabki harakatini u to‘pga yo‘naltirgan edi. Shaxsan men uchun u yerda penalti bordek tuyulmadi, agar men o‘ylayotgan qoidalar futboldagidan farq qilmasa. Ikkinchi vaziyat bo‘yicha esa Brununing birinchi ijrosida darvozabon qoidani buzgan buzmaganligini tahlil qilib o‘tirmoqchi emasman. Chunki, u yerda "VAR" ishlayapti va joriy holat ularga aniqroq ko‘rinadi. Lekin undan avval to‘p himoyachining qo‘liga tekkani aniq», - deydi mankunianlar ustozi.

Eslatib o‘tamiz, uchrashuvda «qizil iblislar» darvozasiga belgilanmagan bahsli penalti ayni damda qizg‘in muhokamalarga sabab bo‘lmoqda.