«МЮ» устози «Вест Бромвич»га қарши кечган оғир учрашувдаги қалтис қарорларга ўз муносабатини билдирди.

«Мен ўз футболчимни оқламоқчи эмасман. Фернандеш ўшанда қўпол ўйнади, лекин дастлабки ҳаракатини у тўпга йўналтирган эди. Шахсан мен учун у ерда пенальти бордек туюлмади, агар мен ўйлаётган қоидалар футболдагидан фарқ қилмаса. Иккинчи вазият бўйича эса Брунунинг биринчи ижросида дарвозабон қоидани бузган бузмаганлигини таҳлил қилиб ўтирмоқчи эмасман. Чунки, у ерда "VAR" ишлаяпти ва жорий ҳолат уларга аниқроқ кўринади. Лекин ундан аввал тўп ҳимоячининг қўлига теккани аниқ», - дейди манкунианлар устози.

Эслатиб ўтамиз, учрашувда «қизил иблислар» дарвозасига белгиланмаган баҳсли пенальти айни дамда қизғин муҳокамаларга сабаб бўлмоқда.