Angliyaning «Liverpul» klubi APLning 9-turida «Lester» (3:0) klubini yirik hisobda mag‘lubiyatga uchratdi.

"Mersisaydliklar" APL doirasida 64 o‘yindan beri "Enfild"da o‘tkazilgan uchrashuvlarda mag‘lubiyatga uchramay, klub rekordini o‘rnatdi.

Yurgen Klopp boshchiligidagi "qizillar" 64 uchrashuvning 53 tasida g‘alaba qozonib, 11 ta uchrashuvda durang natijasini qayd etishdi. «Liverpul» raqiblar darvozasini 169 bor aniq nishonga olib, o‘z darvozasidan 42 ta to‘p olib chiqqan. 34 ta uchrashuvda esa darvozasi dahlsizligini saqlab qolgan.