Angliyaning «Everton» klubi bosh murabbiyi Karlo Anchelotti APL doirasida «Fulxem» (3:2) klubiga qarshi o‘yindan keyin jamoa hujumchisi Dominik Kalvert-Lyuin haqidagi fikrlari bilan o‘rtoqlashdi.
«Dominik yana gol kiritishini muhokama qila olmayman. Lekin biz undan ko‘plab gollar kutamiz. Agar u "Oltin butsa"ni qo‘lga kiritadigan bo‘lsa - bu klubimiz uchun juda yaxshi. Biroq, mening fikrimcha, unga shaxsiy yutuqdan ko‘ra, jamoaning g‘alabasi muhimroq. U biz turnir jadvalining yuqori o‘rinlarida turishimizni xohlaydi.
Hozir Kalvert-Lyuin raqib darvozasi oldida samaradorlikni oshirish uchun bor kuchini sarflayapti. U har doim to‘p raqib jarima maydonchasiga yetkazib berilganida u himoyachilarni dog‘da qoldirishga harakat qiladi. To‘g‘risini aytganda, men Dominik bunday tezkorlikni namoyish etishini kutmagandim», — dedi Karlo Anchelotti.
