«Yuventus» ustozi Andrea Pirlo ertangi YECHL bahsi oldidan o‘z fikrlari bilan o‘rtoqlashdi.
«Biz shanba kuni kuchni tejab o‘ynadik. Tan olaman, butun jamoa juda passiv o‘yin namoyish etdi va bu safar ham Ronaldu yakunda hammasini hal qildi.
"Ferensvarosh" bilan bizni finalga teng o‘yin kutib turibdi. Bu yerda oldingi uchrashuv natijasi umuman ahamiyatli emas. To‘g‘ri, undan so‘ng "Barselona"ga qarshi og‘ir bahs ham bor. Lekin biz ertaga keyingi bosqich yo‘llanmasini qo‘lga kiritishimiz mumkin.
Dibala? Men uni qachon maydonga tushirishni oldindan ayta olmayman. Ko‘pchilik menga uni Ronaldu bilan birga tushirishni maslahat bermoqda. Lekin bu Dibalaning o‘ziga bog‘liq. U qachon o‘zini to‘liq tiklab olib, hujumchilar bilan aniq bog‘lamlarda ishlay olsa, o‘sha payti u tayyor hisoblanadi», - deydi mutaxassis.
Eslatib o‘tamiz, «Yuventus» hamda «Ferensvarosh» klublari o‘rtasidagi bahs ertaga tunda soat 01:00 da start oladi.
