«Ювентус» устози Андреа Пирло эртанги ЕЧЛ баҳси олдидан ўз фикрлари билан ўртоқлашди.

«Биз шанба куни кучни тежаб ўйнадик. Тан оламан, бутун жамоа жуда пассив ўйин намойиш этди ва бу сафар ҳам Роналду якунда ҳаммасини ҳал қилди.

"Ференсварош" билан бизни финалга тенг ўйин кутиб турибди. Бу ерда олдинги учрашув натижаси умуман аҳамиятли эмас. Тўғри, ундан сўнг "Барселона"га қарши оғир баҳс ҳам бор. Лекин биз эртага кейинги босқич йўлланмасини қўлга киритишимиз мумкин.

Дибала? Мен уни қачон майдонга туширишни олдиндан айта олмайман. Кўпчилик менга уни Роналду билан бирга туширишни маслаҳат бермоқда. Лекин бу Дибаланинг ўзига боғлиқ. У қачон ўзини тўлиқ тиклаб олиб, ҳужумчилар билан аниқ боғламларда ишлай олса, ўша пайти у тайёр ҳисобланади», - дейди мутахассис.

Эслатиб ўтамиз, «Ювентус» ҳамда «Ференсварош» клублари ўртасидаги баҳс эртага тунда соат 01:00 да старт олади.